Akademiaren Jakitunak

Gallastegui Zulaica, Mª Carmen

Ekonomista

Mª Carmen Gallastegui Zulaica (Bergara, 1945). Teoria Ekonomikoan katedraduna eta Euskal Herriko Unibertsitateko (EHU) Ekonomia Publikorako Institutuko Ingurumen Ekonomia Unitateko zuzendaria. Ekonomian eta Enpresa Zientzietan lizentziaduna, Valladolideko Unibertsitatean; ekonomiako masterra, London School of Economics zentroan (Erresuma Batua), eta doktoretza, Brown Unibertsitatean (AEB).

Honako hauek ditu ikerketa-lerro nagusiak: baliabide berriztagarriak ustiatzeko kudeaketa-eredu egokiak; sektore publikoaren funtzionamendua eta diseinua; Espainiako ekonomiak euroarekin bat egitea, eta jarduera ekonomikoen deslokalizazioaren fenomenoa.

Ministerioaren, Eusko Jaurlaritzaren eta EHUren ikerketa-proiektu anitz zuzendu ditu. EHUko eta AZTI-Tecnaliako kideek osatutako Ikerketa-taldeko ikertzaile nagusi gisa aritu da Europako Batasuneko Bosgarren eta Seigarren Esparru Programan. Artikulu ugari argitaratu ditu Espainiako eta nazioarteko hainbat aldizkaritan.

Egonaldi bat egin zuen Oxforden 2001-2002 ikasturtean, basque fellow gisa. Doktoretza-ikastaro batzuk eman ditu EHUn eta estatuko beste unibertsitate batzuetan.

Eusko Jaurlaritzako Ekonomia eta Plangintza sailburua izan zen, 1991n; Ikerbasqueko Batzorde Exekutiboko presidentea, eta Analisi Ekonomikoa, Teknika Kuantitatiboak eta Ekonomia Publikoa Doktoretza-programako zuzendaria. EHUn, Teoria Ekonomikoa Saileko zuzendaria izan da; Ekonomia eta Gizarte Kontseiluko kide, eta Gobernu Batzordeko kide.

Lucas Mallada Sari Nazionala eskuratu du (2005), eta Euskadi Ikerketa Saria (2006).

Elkarrizketa Euskonews

Hautetsitako kide osoak

Karguagatiko kide osoak

Ohorezko jakitunak

Kide urgazleak

Kide urgazle gazteak

Aintzinako kideak

top