Akademiaren Jakitunak

Goiriena de Gandarias y Gandarias, Juan José

Mediku fisiologoa

Medikua

Juan José Goiriena de Gandarias y Gandarias (Gasteiz, 1948). Fisiologian katedraduna, Euskal Herriko Unibertsitatean (EHU). Medikuntzan eta Kirurgian lizentziatu zen, Salamancako Unibertsitatean. Irakasle eta ikertzaile izan da Oviedoko, Murtziako eta Euskal Herriko unibertsitateetan.

Bi ikerketa-lerro jorratzen ditu nagusiki: esfortzuaren fisiologia kirol-medikuntzan, eta gantz-ehunaren metabolismoa.

Basurtuko Unibertsitate Institutu Medikoa zuzentzen du, Kirol-medikuntzan espezializatua; Europako Zientzia eta Arteen Akademiako eta Medikuntzako Errege Akademiako kide.

20 doktore-tesi zuzendu ditu; haietatik bostek sari berezia jaso dute. 80 txosten eta ikerketa-lanen baino gehiagoren egilea da, eta, haien artean, hemen argitaratuak nabarmen daitezke: British Journal of Pharmacology: Enzime; Med. Sci. Sports Exerc; J Appl. Physiol, etab. Gainera, liburu ugaritan hartu du parte. Eginak dituen azken ikerketa-lanen artean, txirrindularitzaren fisiologiarekin lotuak nabarmentzen dira, zeinak kirol arloko aldizkari garrantzitsuenetan (Sport Sciences) argitaratu baitira.

Eusko Jaurlaritzako Osasun eta Kontsumo sailburuordea izan da (1984-1987); gainera, Euskal Herriko Unibertsitateko errektorea (1991-1996), eta Eusko Ikaskuntzako presidentea (1996-2001).

Jaso dituen sarien artean, Doktore-tesiagatik (1973) eman zioten Sari Berezia aipa daiteke, eta EHUko Urrezko Domina.

Kide osoak

Ohorezko kideak

Kargugatiko jakitunak

Aintzinako kideak

Kide urgazle gazteak

top