Jarduerak

Jakiunderen helburua jakintzaren gizartea sustatzeko ekimenak proposatzea, diseinatzea eta ebaluatzea da. Akademiak Zientzien, Arteen eta Letren arteko jakintzen trukea sustatu nahi du, baita ikertzeko eta sortzeko askatasuna ere; izan ere, jakintza gizakiaren aurrerabidearen eragile nagusitzat jotzen du. Balio horiekin bat etorriz, Jakiunderen jarduerak intelektualak eta akademikoak dira esklusiboki, gogoetan oinarrituak, joera jakinekin lotu gabeak eta espiritu kritikoan oinarrituak.

Jakin-Mina

Jakin-Mina

Jakin-mina Euskal Autonomia Erkidegoko eta Nafarroako ikastetxeetako DBHko 4. mailako gazteentzako programa bat da, beren alorrean goi mailakoak diren adituen diziplina anitzeko hitzaldi-ziklo sorta batez osatua. Zikloak Bilbon, Donostian, Gasteizen eta Iruñean egiten dira. Hasieratik, 2011tik, gaur egunera arte mila gaztek hartu dute parte programan.

Jarduera honekin, Jakiundek gazteon jakintza maila aberastu eta haien jakin-mina piztu nahi du, ezagutzen ez duten oro deskubritzeko grina sorrarazita.

Jarduera guztiak ikusi >

Erronka Teknologikoak

Erronka Teknologikoak

Euskal Autonomia Erkidegoa eta Nafarroako Foru Erkidegoa lurralde txikiak dira eta baliabide mugatuak dituzte, baina asmatu izan dute Zientzia- eta Teknologia-gaiak enpresa-sistemaren beharren arabera lehenesten eta horiekin bat egiten. Egia da Europako eskualde gehienekin alderatuta posizionamendu nabarmena dutela enpresen arloan eta zientzia eta teknologian, baina herrialde liderren trena galtzeko arriskuan daude. Epe luzerako estrategia landu behar dute bi erkidegoek, alderdi sendoak eta itzulkin ekonomiko eta sozialik handiena ahalbidetu dezaketen teknologiak ardatz hartuta. ‘Espezializazio Adimendunaren Estrategia' edo ‘Research and Innovation Smart Specialisation Strategy (RIS3)’ deritzona oinarritzat harturik.

Gai hauek aztertuko dituzten jardunaldiak antolatzen hasia da Jakiunde. EAEko jardunaldia Mondragon Unibertsitatearekin lankidetzan antolatu zuen Akademiak, Mondragon taldea (MCC) eta Eusko Jaurlaritzaren babesarekin, 2018ko urriaren 24an, Donostiako Kursaalen. Nafarroan, SODENA, UPNA/NUP eta Nafarroako Unibertsitatea izan zituen lankide Jakiundek eta Nafarroako Gobernuak babestu zuen Iruñeko Baluarten 2019ko azaroan 26an antolatutako jardunaldia. 

Jarduera guztiak ikusi >

Hotsak/Sonidos

Hotsak/Sonidos

HOTSAK-SONIDOS Jakiundek antolatutako egitasmoa, Teresa Catalán, konpositorea eta Konposizio eta Instrumentazioan katedradun emeritua da Madrilgo Musika Kontserbatorio Nagusian eta 2017ko Musika Sari Nazionala, eta Igor Ijurra, Iruñeko Orfeoiko zuzendariak koordinatua da.

Musika arteetan dago, zientzietan dago, baita erlijioan ere… eta gizakion bizitzaren beste hainbat arloetan ere; ondorioz HOTSAK-SONIDOS egitasmoak musika gainerako diziplinekin lotzen du, arrotzak ez baitzaizkio

Jarduera guztiak ikusi >


top