JarduerakJakin-Mina
Zabalik JAKIN-MINA 2019-2020 GIPUZKOA deialdia

Zabalik JAKIN-MINA 2019-2020 GIPUZKOA deialdia

DBH 4. mailako ikasleei zuzendutako JAKIN-MINA 2019-2020 egitasmoa zabaldu da, eta urriaren 31 arte eman daiteke izena.

JAKIN-MINA GIPUZKOA egitasmoaren bederatzigarren edizio honetan hiru ziklo eskainiko dira Donostian eta bat Arrasaten. Ziklo bakoitzak elkarren artean oso desberdinak diren bost hitzaldi ditu. Helburua gazteen jakin-mina piztea da, haien ezagutza zabaltzea, diziplina eta ikerketa ildo desberdinak ezagutzeko aukera emanez.  

Azaroa eta martxoa artean eskaintzen diren hitzaldiak ostiralez dira beti, arratsaldeko 17:30ean. Edizio honetan, besteak beste, gai hauek jorratuko dira: zinea, musika, giza-eskubideak, sexualitatea eta atxikipena, mindfulness, elikadura, astrofisika, big data, zibersegurtasuna, mikrobioma, endekapenezko gaixotasunak, feminismoa eta genetika.

Deialdia heldu da ikastetxeetara eta parte hartu nahi duten DBH 4. mailako ikasleek ikastetxearen bitartez eman behar dute izena. Ikastetxeek lauzpabost ikasle aurkez ditzakete. Parte hartu nahi duten ikasleen izena eta bi abizenak helbide honetara bidali behar dira: akademia@jakiunde.eus 

Artxiboak:
Gipuzkoa_JAKIN-MINA_2019-2020_02.pdf


Araba



Bizkaia



Gipuzkoa



Nafarroa



top